Back طواف إسبانيا 2003 Arabic Vuelta a España 2003 AST Volta a Espanya de 2003 Catalan Vuelta a España 2003 Danish Vuelta a España 2003 German 2003 Vuelta a España English Vuelta a España 2003 Spanish Tour d'Espagne 2003 French 2003-as Vuelta ciclista a España Hungarian Vuelta a España 2003 Italian
| |||
 | |||
| Datu orokorrak | |||
| Lasterketa | 58. Espainiako Vuelta | ||
| Txapelketa | Espainiako Vuelta | ||
| Etapak | 21 | ||
| Datak | irailak 6 – 2003.eko irailak 28 | ||
| Luzera | 2.957 km | ||
| Herrialdea |  Espainia | ||
| Irteera-lekua | Gijón | ||
| Helduera-lekua | Madril | ||
| Taldeak | 22 | ||
| Parte-hartzaileak | 198 | ||
| Amaitu dutenak | 159 | ||
| Bataz besteko abiadura | 42,527 km/o | ||
| Emaitzak | |||
| Txapelduna | Roberto Heras (US Postal Service-Berry Floor) | ||
| Txapeldunordea |  Isidro Nozal (ONCE-Eroski) | ||
| Hirugarrena | Alejandro Valverde (Kelme-Costa Blanca) | ||
| Puntukako sailkapena |  Erik Zabel (Telekom) | ||
| Eskalatzailerik onena |  Félix Cárdenas (Labarca-2-Café Baqué) | ||
| Talderik onena | iBanesto.com | ||
| ◀2002 | 2004▶ | ||
 | Dokumentazioa  | ||
_pictogram.svg){kind=small}
2003ko Espainiako Itzulia Itzuli Handi honen 58. edizioa izan zen. 2003ko irailak 6 eta 28 artean ospatu zen Gijón eta Madril artean, 21 etapatan banatutako 2957 kilometroko ibilbidea eginez, garailea izan zen Roberto Herasek, bataz beste, 42,536 kilometro orduko abiaduran egin zituenak.
Itzulia hasi aurretik, guztiak, berriz ere, Aitor González, Roberto Heras eta Óscar Sevillaren arteko lehia bat iragartzen zuen. Edizio hau irabazteko aukerak zituzten beste batzuk Igor González de Galdeano, Ángel Casero eta Francisco Mancebo ziren.
Jada lehen etapan, taldekako erlojupekoa zena, Aitor Gonzálezek ia minutu eta erdi galdu zuen, eta beste minutu bat gehiago bigarrenean, hala, edizio hau irabazteko aukera asko galduz.
4. etapan, ordura arte erabat ezezaguna zen Isidro Nozal jarri zen lider ihesaldi bati esker. Nozalek bere forma egoera ona berretsi zuen 6. etapako banakako erlojupekoan, etapa nagusitasun handia erakutsiz irabaziz eta sailkapen nagusian are gehiago aldenduz. Bigarren sailkatua, Igor González de Galdeano gasteiztarra, jada ia bi minutu eta erdira zegoen, Roberto Heras bosgarren, lau minutu eta erdi baino gehiagora, Aitor González, bederatzigarren, bost baino gehiagora, Ángel Casero, hamaikagarren, bost minutu eta erdi baino gehiagora; Óscar Sevilla, erlojupeko kaxkar baten ondoren, zazpi minutu baino gehiagora zegoen.
Nozalek lidertza mantendu zuen Pirinioetako hiru etapen ondoren, bere hurbileneko arerioek denbora apur bat jan ahal izan zioten arren. Baina galdutako segunduak 13. etapan berreskuratu zituen, edizio honetako bigarren banakako erlojupekoa, hau ere irabaziz. Igor González de Galdeano hiru minutura geratu zen sailkapen nagusian, Roberto Heras bostera. Aitor González hamar minutura zegoen eta hurrengo etapan Itzulia utziko zuen.
15. etapan Roberto Heras liderrarekiko denbora berreskuratzen hasi zen, hirugarren amaituz eta minutu bat berreskuratuz Panderan amaitutako etapan, eta beste minutu bat berreskuratuz hurrengo etapan, Sierra Nevadan amaitu zena. Collado Villalban amaitu zen etaparen ondoren Herasek bigarren jarraitzen zuen, Nozalgandik bi minutura. Bi etapa baino ez ziren geratzen, horietako bat soilik 11 kilometroko kronoigoera bat Abantos mendatera. Bazirudien bejartarrak, aurreko edizioan bezala, bigarren amaituko zuela.
Alabaina, Roberto Heras etapa modu distiratsuan irabazi eta ONCEko txirrindulariari ia bi minutu eta erdi ateratzeko gai izan zen, hala maillot horia lortuz, bere bigarren Espainiako Vuelta izango zenean. Azkenean, Isidro Nozalek bigarren amaitu zuen eta Alejandro Valverdek hirugarren.